A portada da reitoral
Artigos na prensa local entre 2001 e 2002 sobre a desaparición do portalón barroco da reitoral de San Cibrao das Las, no concello de San Amaro, e sobre a súa posible e malograda recuperación
Portada da reitoral de San Cibrao das Las c.a. 1999. Fotografía de "As Comarcas"
Cando visite o castro de San Cibrao das Las, aproveite a viaxe e non deixe de ver este exemplo de xestión do patrimonio histórico artístico e etnográfico.
Grazas á protección de institucións, medios de comunicación e "xentes importantes", o portalón da reitoral de San Cibrao das Las nunca foi recuperado.
O muro antigo da reitoral foi derrubado compretamente entre finais de 2000 e principios de 2001. O patio da reitoral foi reducido e volto a pechar cun muro de pouca calidade e esteticamente inapropiado, pero autorizado polos técnicos e técnicas de Patrimonio.
Desprazado do seu lugar orixinal, que ocupaba o centro da fachada, foi construído con pedras vellas -Deus saberá de onde saíron- un portalón que trata de imitar o antigo, pero faltan as pezas graníticas que formaban a antiga portada barroca. Unha vez máis, os técnicos e técnicas de Patrimonio autorizaron a tropelía.
Ao igual que o antigo portalón, nunca máis se soubo da escalinata do adro da igrexa parroquial, famosa por unha tradicional e coñecida romería do San Brais. A escalinata era semicircular, e foi subtituída por unha rampa -tamén inapropiada- autorizada, unha vez máis, polas técnicas e técnicos de Patrimonio.
Os técnicos e técnicas de Patrimonio tamén deberon apreciar as tropelías realizadas no adro, incluso removendo tampas, para que chegaran os vehículos a motor á porta da igrexa parroquial, seica unha novidosa ocorrencia dun concellal de cultura.
Amigos todos!
(Risas)